Իրավիճակի նկարագրություն
Էներգետիկան Հայաստանի ամենաօպերատիվ և ծախսային տեսանկյունից ամենաարդյունավետ սեկտորներից մեկն է: Հայաստանը կարողանում է ամբողջությամբ բավարարել էներգիայի ներքին պահանջարկը: Քանի որ Հայաստանը չունի վառելիքի սեփական ռեսուրսներ, մեծ ուշադրություն է դարձվում վերականգնվող էներգիայի սեփական աղբյուրների ստեղծմանը, ինչպիսիք են՝ ջրի, քամու և արևային էներգիան:
Եթե Դուք գործունեություն եք իրականացնում էներգետիկայի ոլորտում կամ նախատեսում եք ներդրում կատարել այս ոլորտում, ապա շատ կարևոր է համագործակցել այնպիսի խորհրդատուների հետ, որոնք տվյալ ճյուղում ունեն հսկայական փորձառություն և հասկանում են ոլորտի ֆինանսական և հարկային ռիսկերը: Մասնավորապես, մենք փորձառություն ունենք էներգետիկայի ոլորտի գործունեության հետևյալ տեսակներում հաշվապահական, հարկային, աուդիտորական և խորհրդատվական ծառայությունների մատուցման վերաբերյալ.
- Էլեկտրաէներգիայի բաշխում
- Էլեկտրաէներգիայի արտադրություն
- Գազի բաշխում
- ԱԷԿ-ի շահագործում
- ՀԷԿ-երի շահագործում
- ՋԷԿ-երի շահագործում
- Էներգետիկայի ոլորտում գիտահետազոտական աշխատանքների իրականացում
- Գազասպասարկման ծառայությունների իրականացում
- Էներգետիկ սարքավորումների կարգաբերում
Հանքարդյունաբերությունը, լինելով ՀՀ արդյունաբերության կարևորագույն ճյուղերից մեկը, էական դեր է խաղում ինչպես ոլորտի, այնպես էլ ողջ տնտեսության զարգացման գործում` 2014 թ. սկզբին կազմելով ՀՆԱ-ի մոտ 2.5%-ը:
ՀՀ ընդերքի հետազոտության արդյունքում հայտնաբերվել է օգտակար հանածոների ավելի քան 480 հանքավայր։ Ըստ ՀՀ էկոնոմիկայի նախարարության՝ երկաթի հանքաքարի արդյունաբերական պաշարները գնահատվում են մոտ մի քանի հարյուր միլիոն տոննա, պղնձի, կապարի և ցինկի պաշարները միասին`մի քանի միլիոն տոննա, մոլիբդենինը`մի քանի հարյուր հազար տոննա, ոսկունն ու արծաթինը միասին`մի քանի հազար տոննա:
ՀՀ հանքարդյունաբերության ոլորտում գործունեություն իրականացնելու համար ՀՀ էներգետիկայի և բնական պաշարների նախարարության Օգտակար հանածոների պաշարների գործակալությունը հատկացնում է լինցեզիայի հետևյալ հիմնական տեսակները՝ ընդերքն օգտակար հանածոների շահագործման նպատակով ուսումնասիրության լիցենզիա, հանքարդյունահանման լիցենզիա, ընդերքօգտագործման իրավունք:
Հարկային և հաշվապահական հաշվառման առանձնահատկությունները
«Օգտակար հանածոների հետախուզում և գնահատում» ՖՀՄՍ6 ստանդարտը կոնկրետ վերաբերում է օգտակար հանածոների հետախուզմանը և գնահատմանը: Այն չի շոշափում հանքարդյունաբերությամբ զբաղվող կազմակերպությունների գործունեության այլ ասպեկտները (օրինակ՝ մինչ հանքարդյունահանման լիցենզիայի ստացումը իրականացված գործունեությունը): Արդյունահանված օգտակար հանածոները սկզբնապես չափվում են սկզբնական արժեքով: Հետագա չափման ժամանակ կազմակերպությունը կարող է ընտրել կամ սկզբնական արժեքի կամ վերագնահատման մոդելը՝ հիմնվելով «Հիմնական միջոցներ» ՀՀՄՍ16 կամ «Ոչ նյութական ակտիվներ» ՀՀՄՍ38 ստանդարտների վրա:
ՖՀՄՄԿ Մեկնաբանություն 20 «Մակաբացման ծախսումները բաց հանքի արտադրական փուլում» վերաբերում է արտադրական փուլում բաց հանքում առաջացած թափոնների հեռացման ծախսումներին:
Հանքարդյունաբերական կազմակերպությունները վճարում են շահութահարկ և ռոյալթի: «Բնապահպանական և բնօգտագործման վճարների մասին» ՀՀ օրենքով սահմանված է, որ շահութաբերության նորման 25%-ը գերազանցելու դեպքում հանքարդյունահանմամբ զբաղվող ընկերությունները պարտավոր են վճարել տվյալ ժամանակահատվածում իրացված օգտակար հանածոյի համախառն հաշվարկային արժեքի 0.1%-ի չափով ռոյալթի` շահույթի 25%-ը գերազանցող յուրաքանչյուր 0.8%-ի համար։ Տվյալ պարագայում գործարարներն ընդգծում են այն հանգամանքը, որ շահույթի աճին ոչ համամասնորեն մեծանում է հարկային բեռը:
Ինչպես կարող է «Էյ-Էն Աուդիտ» ՓԲԸ-ն օգտակար լինել Ձեզ
Մեր ընկերության ողջ պատմության ընթացքում էներգետիկ և հանքարդյունաբերության ոլորտի մեր հաճախորդների բազմությունը կազմել է շուրջ 20 ընկերություն, որոնք ներառում են Հայաստանի էներգետիկ ոլորտի «հսկաներին»:
Եվ մենք կարող ենք մատուցել Ձեզ հետևյալ ծառայությունները.
- Ներքին և արտաքին աուդիտ
- Հաշվապահական ծառայությունների մատուցում
- Հարկային արտոնություններից օգտվելու և հարկային օպտիմալացման վերաբերյալ խորհրդատվություն
- Աշխատանքային օրենսդրության կիրառման վերաբերյալ խորհրդատվություն
- «Օգտակար հանածոների հետախուզում և գնահատում» ՖՀՄՍ6-ի կիրառման վերաբերյալ խորհրդատվություն
- Ներքին վերահսկողության համակարգերի ներդրում
- Գործունեության համալիր ուսումնասիրություն
